![Saat 17:00-dək ən yüksək və ən aşağı seçici fəallığı olan dairələr açıqlanıb](https://ens.az/images/news/657ce60fa1b53d34e85e27f16d62e1ae.jpg)
Saat 17:00-dək ən yüksək və ən aşağı seçici fəallığı olan dairələr açıqlanıb
Bakı. Elçin Mehdiyev - Trend:
Bələdiyyə seçkilərində indiyədək seçici fəallığının ən yüksək və ən aşağı olduğu seçki dairələri açıqlanıb.
Trend-in məlumatına görə, saat 17:00-a olan məlumata görə, ölkə üzrə seçici fəallığının ən yüksək olduğu dairə 1 saylı Şərur-Sədərək Seçki Dairəsidir. Bu seçki dairəsində 38 min 621 seçicidən 15 min 792 nəfəri (40.89 %) səsvermədə iştirak edib.
Seçici fəallığının ən aşağı olduğu dairə 37 saylı Nizami Birinci (Gəncə) Seçki Dairəsidir. Bu dairədə 33 min 354 seçicidən 7 min 778 nəfəri (23.32 %) səs verib.
Qeyd edək ki, Azərbaycanda keçirilən bələdiyyə seçkilərində saat 17:00-dək olan seçici fəallığı 30.57 faiz olub. Səsvermə hüququna malik 4 972 356 seçicidən bu saatadək 1 520 133 nəfəri səs verib.
Şərhlər
Şərhləri göstər Şərhləri gizlət