Şagirdlər üçün 100 imtahan azaldılır

Lisey, gimnaziya və təmayülləşmə tətbiq edilən siniflərdə əlavə fənlər üzrə BSQ-lərin keçirilməsində dəyişiklik olacaq.

“Qafqazinfo” xəbər verir ki, bu barədə Təhsil inkişafı proqramları şöbəsinin müdiri Emin Əmrullayev məlumat verib. 

O bildirib ki, BSQ-lərə düşən fənlərin sayı 1 də ola bilər, 3 də: “Beynəlxalq akkreditasiyadan keçmiş proqramların tətbiq edildiyi ümumtəhsil müəssisələrində fərdi qiymətləndirmə qaydalarından istifadəyə icazə veriləcək”.

Bu qaydaların tətbiqindən sonra şagirdlərin yükü xeyli azalaraq ibtidai siniflərdə imtahanların sayı 288-dən 188-ə düşür. Birinci sinif şagirdləri imtahan vermir.

Artıq imtahanların keçirilməsində də konkret rəqəmlər müəyyənləşib. KSM minimum 3, maksimum 6 dəfə keçirilə bilər. Bu da şagirdə qiymətini düzəltməyə imkan yaradır. 

Yeni qaydalar yeni ildən qüvvədədir və cari tədris ilinin ll yarımilindən tətbiq olunur.

***

Şöbə müdiri onu da qeyd edib ki, imtahanlarda nəzərdə tutulan sualların  səviyyəsinin də təhsil müəssisələrinə görə müəyyənləşdirilməsi də nəzərdə tutulub:

“Bəzən deyilir ki, bütün məktəblər üzrə suallar eyni olmalıdır. Ancaq kənd məktəbində oxuyan şagirdlərlə, təmayüllü lisey şagirdlərinin təhsil səviyyəsi eyni deyil. Statistik nəticələrə görə, hətta valideynləri ali təhsil almış şagirdlərin belə nəticələrində müəyyən fərqlər olur”.