Sağlam düşüncəli gənclik - etibarlı gələcəyin qarantı!

Bir millətin mövcud olması üçün onun sağlam gəncliyinin olması vacib şərtdir. Gənclik millətin yaşaması, inkişafı üçün təməl daşıdır. Çünki hər bir ölkədə dövlətçiliyin, müstəqilliyin daha da möhkəmləndirilməsi, gələcəyin etibarlı təminatı intellektual səviyyəli potensial kadrların yetişdirilməsindən, onların aparıcı qüvvəyə çevrilməsindən çox asılıdır. Bu baxımdan ölkəmizdə gənclərlə iş sahəsində görülən tədbirlər Azərbaycan gəncliyinin inkişafına təkan vermiş,  onların cəmiyyətdə özlərini təsdiq etməsində böyük rol oynamışdır. Bu gün Azəbaycan gəncliyi ölkə siyasətində önəmli yer tutur. Azərbaycan gəncliyi ictimai həyatın bütün sferalarında aktiv fəaliyyəti ilə seçilir və siyasi, iqtisadi, humanitar, sosial tədbirlərin həyata keçirilməsində mühüm rol oynayir. Haqqında bəhs etmək istədiyim şəxs Azərbaycan Respublikası Ədliyyə Nazirliyinin əməkdaşı, hüquqşunas Sərxan Sadıxovdur, məhz belə gənclərdəndir. Onun Penitensiar Xidmətindəki fəaliyyətindən əlavə pedaqoji və maarifləndirmə işləri bu gün gənclərimizin hər sahədə və o cümlədən, hüquq sahəsində hərtərəfli inkişafı, cəmiyyətin həyatında onların fəal iştirakına dəstək olmaq məqsədi daşıyır. Onun  "Ulu Öndər və Gəncə" mövzusunda apardığı maariflənmə işi Azərbaycanın dahi tarixi şəxsiyyəti Heydər Əliyevin Gəncəyə olan işgüzar səfərləri, Ulu Öndərin  Respublikanın ikinci böyük şəhəri olan Gəncənin o dövrdə iqtisadiyyatının inkişaf etdirilməsi, əhalinin sosial-rifah halının yaxşılaşdırılması istiqamətində apardığı siyasətdən bəhs edilir. Bundan əlavə, Hüquq və Cəza Siyasəti sahəsində apardığı "Niyə gənclər cinayət törədir"; "Ölməz ölum cəzası"; "Sizi işdən hansı hallarda azad edə bilərlər"; "Cəza siyasətinin humanistləşdirilməsi insan hüquqlarının təmin olunmasına xidmət edir"; "Cinayət məsuliyyətindən hansı hallarda azad olmaq mümkündür"; "Qızqaçırtma - yoxsa adam oğurluğu"; "Cinayətdə affekt vəziyyəti nədir"; "Həbsxana işçilərinin peşəkar deformasiyası"; "Tapdın, yoxsa oğurladın" kimi mövzularda maariflənmə işləri bu gün cəmiyyətdə insanların bu sahəyə olan marağını və bilgilərini artırır. Son bir neçə gündə işıq üzü görmüş "Dövlət qulluğuna hazırlaşanlar üçün Test toplusu "Hüquqşunasın son nailiyyətlərindəndir. Bu toplu dövlət qulluğuna, vəkilliyə, hakimliyə ve prokurorluğa hazırlaşanlar üçün bir kömək vəsaitidir. Gənc hüquqşunasa gələcəkdə həm pedaqoji, həm maarifləndirmə sahəsində olan fəaliyyətində uğurlar arzu edirik.