![Şahbaz Quliyevin bacısı: “Bu sevinci bizə yaşadan Prezidentimizə, ordumuza hədsiz minnətdaram”](https://ens.az/images/news/sahbaz-quliyevin-bacisi-bu-sevinci-bize-yasadan-prezidentimize-ordumuza-hedsiz-minnetdaram.png)
Şahbaz Quliyevin bacısı: “Bu sevinci bizə yaşadan Prezidentimizə, ordumuza hədsiz minnətdaram”
“Qardaşımın girovluqdan azad olunması xəbəri məni hədsiz sevindirdi, Prezidentimizə öz təşəkkürümü bildirirəm”.
Ens.az xəbər verirki,bunu APA-ya açıqlamasında Şahbaz Quliyevin bacısı İradə Quliyeva deyib.
“Əgər torpaqlarımız alınmasaydı, Şahbazla Dilqəm də girovluqdan xilas ola bilməyəcəkdi. Bu sevinci bizə yaşadan Prezidentimizə, o torpaqları alan ordumuza hədsiz minnətdaram. Şükür Allaha, bizi qovuşdurdu”, - deyə o, bildirib.
İradə Quliyeva xəbəri yeni öyrəndiyini, hələ qardaşı ilə görüşmədiyini deyib.
Qeyd edək ki, bu gün 2014-cü ilin iyul ayından erməni girovluğunda saxlanılan Şahbaz Quliyev və Dilqəm Əsgərov təyyarə ilə Bakıya gətirilib. Müvafiq karantin tədbirləri həyata keçirildikdən sonra azad olunmuş şəxslər ailələrinə qovuşacaqlar.
Şərhlər
Şərhləri göstər Şərhləri gizlət