Sahibə Qafarova: Avropa Parlamenti beynəlxalq hüququn prinsiplərinə zidd olan qərəzli praktikasını davam etdirib

Ölkəmizə qarşı böhtanlar və əsasız ittihamlar üzərində qurulan daha bir ədalətsiz qətnamə qəbul edilib. Təəssüflə qeyd olunmalıdır ki, Avropa Parlamenti bu addımı ilə Azərbaycanda real vəziyyəti əks etdirməyən və beynəlxalq hüququn prinsiplərinə zidd olan qeyri-obyektiv, qərəzli praktikasını davam etdirib.

Ens.az AZƏRTAC -a istinadən xəbər verir ki,bu sözləri Milli Məclisin sədri Sahibə Qafarova parlamentin dekabrın 19-da keçirilən iclasında deyib.

O bildirib ki, bu qətnamə Avropa Parlamentinin dövlət suverenliyinə hörmət və daxili işlərə qarışmamaq prinsiplərinə etinasız münasibətini əks etdirir.

“Sənəddə yer alan “siyasi məhbusların mövcudluğu”, “siyasi təqiblər”, “akademik azadlıqların və mədəni hüquqların pozulması” kimi ifadələr və digər ittihamları qətiyyətlə rədd edirik. Azərbaycan Respublikası qanunun aliliyi, dövlət institutlarının müstəqilliyi və öz vətəndaşları qarşısında cavabdehliyi prinsiplərinə dönmədən əməl edir. Demokratik institutlarının sərbəst fəaliyyət göstərməsi, vətəndaş cəmiyyətinin əsas elementlərinin qurulması və digər amillər, dövlətimizin demokratiya yolu ilə irəliyə getmək əzmini və iradəsini nümayiş etdirir”, - deyə parlamentin sədri vurğulayıb.