Salome Zurabişvili: “Gürcüstan-Azərbaycan sərhədinin delimitasiyası prosesinin bərpasını alqışlayıram”

“Gürcüstan və Azərbaycan arasında sərhədin delimitasiyası prosesinin bərpa olunmasını alqışlayıram”.

“Report”un yerli bürosu xəbər verir ki, bunu Gürcüstan prezidenti Salome Zurabişvili rəsmi “Facebook” səhifəsində yazıb.

Dövlət başçısı prosesin tezliklə nəticə verəcəyinə əminlik ifadə edib: “Əminəm ki, tərəflər iki ölkə arasında uzun illər davam edən mehriban qonşuluq və strateji tərəfdaşlıq münasibətlərini rəhbər tutacaqlar”.