“Samsung” rekord tutuma malik yaddaş modulu təqdim edib

Smartfon sahibləri üçün rahat iş və mobil əyləncələrə daha çox yer tələb olunur, buna görə bir çox smartfon istehsalçıları yaddaş kartları üçün slotlardan imtina etməyə tələsmir. “Samsung”un mühəndisləri bu problemin həlli üçün fərqli yol seçiblər. Bu gün şirkət mobil qurğular üçün dünyada ilk quraşdırılan rekord tutumlu fləş daşıyıcı təqdim edib.
 
“ICTnews” Elektron Xəbər Xidməti “4pda.ru” saytına istinadən yazır ki, 1 TB tutuma malik eUFS daşıyıcısı beşinci nəsil “V-NAND” fləş yaddaşı əsasında yaradılıb və “microSD” analoqlarla müqayisədə məlumatlar üzərində 10 dəfə daha sürətli əməliyyat apara bilir. Ardıcıl oxuma sürəti 1000 MB/s (müasir “SATA SSD” disklərlə müqayisədə iki dəfə daha sürətli), yazma sürəti isə 260 MB/s-dək təşkil edir.
 
Yeni fləş daşıyıcısının ölçüləri (11,5x13,0 mm) modulu smartfonun nazik korpusunda yerləşdirməyə imkan verir. 5 QB-lıq videofaylın yazılması 5 saniyə vaxt alır.