"Samsunq"un ən bahalı telefonunun qiyməti bəlli oldu

Cənubi Koreyanın “Samsunq Elektroniks” şirkətinin yaxın gələcəkdə təqdimatı nəzərdə tutulan "Qalaksi F" telefonunun qiyməti məlum olub.

Axar.az xəbər verir ki, bu barədə məlumatı "Vebtexno" yayıb. Məlumata görə, "Samsunq"un İngiltərə departamentindən adı açıqlanmayan şəxs 7 düyümlük telefonun 1500-2000 funt sterlinqə (3284-4379 manat) satışa çıxarılacağını bildirib.

Qeyd edək ki, "Qalaksi F" bu günə qədər şirkətin satışa çıxardığı ən bahalı telefondur. Telefonun ekranı qatlana bilir və açılarkən planşet ölçüsündə olur.