Səfərbərlik və Hərbi Xidmətə Çağırış üzrə Dövlət Xidməti Koronavirusla Mübarizəyə Dəstək Fonduna ianə ayırıb

Səfərbərlik və Hərbi Xidmətə Çağırış üzrə Dövlət Xidməti Koronavirusla Mübarizəyə Dəstək Fonduna ianə…

Səfərbərlik və Hərbi Xidmətə Çağırış üzrə Dövlət Xidməti Koronavirusla Mübarizəyə Dəstək Fonduna ianə ayırıb.

Xidmətdən APA-ya verilən məlumata görə, Azərbaycan Respublikasının Prezidenti İlham Əliyevin imzaladığı 19 mart 2020-ci il tarixli “Azərbaycan Respublikasında əhalinin sağlamlığının qorunması və koronavirus infeksiyasına qarşı mübarizənin gücləndirilməsi ilə bağlı tədbirlər haqqında” Fərmana əsasən yaradılmış Koronavirusla Mübarizəyə Dəstək Fonduna Səfərbərlik və Hərbi Xidmətə Çağırış üzrə Dövlət Xidməti tərəfindən 100 min manat məbləğində ianə ayrılması qərara alınıb.

Həmin vəsaitin ayrılması Səfərbərlik və Hərbi Xidmətə Çağırış üzrə Dövlət Xidmətinin şəxsi heyətinin könüllü istəyi ilə onların aylıq pul təminatı məbləğindən həyata keçiriləcək.