![Səfir Seyid Abbas Musəvi: İran Dağlıq Qarabağ münaqişəsində Azərbaycanın ədalətli və haqq mövqeyini dəstəkləyir](https://ens.az/images/news/sefir-seyid-abbas-musevi-iran-dagliq-qarabag-munaqisesinde-azerbaycanin-edaletli-ve-haqq-movqeyini-destekleyir.png)
Səfir Seyid Abbas Musəvi: İran Dağlıq Qarabağ münaqişəsində Azərbaycanın ədalətli və haqq mövqeyini dəstəkləyir
Bizim qonşuluq, dostluq münasibətlərimiz xüsusi münasibətlərdir və heç bir üçüncü qüvvə bu münasibətlərə xələl gətirə bilməz.
Ens.Az AZƏRTAC-a istinadən bildirir ki, bu sözləri İranın Azərbaycanda yeni təyin olunmuş səfiri Seyid Abbas Musəvi etimadnaməsini Prezident İlham Əliyevə təqdim edərkən deyib.
Səfir bildirib ki, İran İslam Respublikası Azərbaycan Respublikasının işğal olunmuş əraziləri məsələsində, Dağlıq Qarabağ münaqişəsində Azərbaycanın ədalətli və haqq mövqeyini dəstəkləyir.
"Biz hesab edirik ki, bu münaqişə beynəlxalq qanunlar, Azərbaycanın ərazi bütövlüyü və suverenliyi çərçivəsində həll olunmalıdır", - deyə o əlavə edib.
Şərhlər
Şərhləri göstər Şərhləri gizlət