Şəhid media nümayəndəsinin babası: “Yenicə ailə qurmuşdu”
“Qismətidir, şəhid olub. Məlumatı eşitdikdən sonra dəqiqləşdirdik. Nəşin nə vaxt gətiriləcəyi ilə bağlı heç bir məlumatımız yoxdur”.
Ens.az Oxu.az-a istinadən xəbər verir ki, bu sözləri bu gün Kəlbəcərdə xidməti vəzifəsini yetirərkən minaya düşərək həlak olan AZƏRTAC-ın əməkdaşı 1982-ci il təvəllüdlü Məhərrəm İbrahimovun qardaşı Əsgər İbrahimov deyib.
O qeyd edib ki, Məhhərəm İbrahimovun iki oğul övladı var: “Birinin beş yaşı var, birinin üç”.
Məhərrəm İbrahimovla birgə şəhid olan Azərbaycan Televiziyasının operatoru 1989-cu il təvəllüdlü Sirac Abışovun babası Qardaşxan Abıyev isə bildirib ki, o yenicə ailə qurmuşdu: “Nəvə itirmək ağır dərddir. Bir övladı var”.
Şərhlər
Şərhləri göstər Şərhləri gizlət