![Şəhid pilotun bacısı: Urfan torpaqlarımızın işğal altında olmasından çox narahat idi](https://ens.az/images/news/4e6f35a37f5d07135d767179e9d7bf78.jpg)
Şəhid pilotun bacısı: Urfan torpaqlarımızın işğal altında olmasından çox narahat idi
Aprel qələbəsinin üçüncü ildönümü münasibətilə şəhid pilotlar mayor Urfan Vəlizadə, mayor Təbriz Musazadə və baş leytenant Bəkir İsmayılovun xatirəsinə həsr olunmuş tədbir keçirilib, məzarları ziyarət olunub.
Trend-in məlumatına görə, mərasimdə Azərbaycan Müdafiə Nazirliyinin və Hərbi Hava Qüvvələrinin zabit heyəti, şəhidlərin hərbçi yoldaşları, yaxınları iştirak ediblər.
Qeyd edək ki, Urfan Vəlizadə 1978-ci il noyabrın 1-də Bakı şəhərində anadan olub. Orta məktəbi bitirdikdən sonra Türkiyə Hərbi Hava Məktəbinə daxil olub. 2016-cı il aprel döyüşlərində mayor Urfan Vəlizadə, mayor Təbriz Musazadə və baş leytenant Bəkir İsmayılov ilə Füzuli istiqamətində gedən döyüşlər zamanı işğalçı Ermənistan ordusunun bölmələrinin hücumunun qarşısının alınmasında böyük qəhrəmanlıq, şücaət göstərib. Qəhrəman pilotlarımızın birgə idarə etdiyi “Mi-24” helikopteri Azərbaycan ordusunun mövqelərinə hücum edən düşmən qüvvələrinə böyük zərbə vurub. Helikopterin düşmən tərəfindən vurulması nəticəsində onların hər üçü qəhrəmancasına həlak olub.
Şərhlər
Şərhləri göstər Şərhləri gizlət