Şəmkirdə minik maşınının aşması nəticəsində ölən və xəsarət alanların kimliyi AÇIQLANDI

Şəmkirdə baş verən ağır yol-nəqliyyat hadisəsində ölən və xəsarət alanların kimliyi açıqlanıb.

Ens.Az-ın məlumatına görə,DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımovun Oxu.Az-a verdiyi məlumata görə, avqust ayının 31-də axşam saat 20 radələrindən Bakı-Qazax magistral yolunun Şəmkir rayon Dəllər Cəyir kəndi ərazisindən keçən hissəsində Tovuz rayon sakini, 1996-cı il təvəllüdlü R.Namazov idarə etdiyi “Mercedes” markalı avtomobil ilə hərəkətdə olarkən idarəetməni itirərək avtomobili yol kənarına aşırmış, nəticədə avtomobildə olan sərnişinlər - 1980-ci il təvəllüdlü Dürdanə Nəbiyeva və 2002-ci il təvəllüdlü Eyvaz Nəbiyev aldıqları xəsarətlərdən hadisə yerində ölüblər.

Avtomobildə olan digər sərnişin - 1991-ci il təvəllüdlü Bahar Məmmədova isə müxtəlif bədən xəsarətləri alaraq Şəmkir Rayon Mərkəzi Xəstəxanasına yerləşdirib.

Hadisə yerinə Baş Dövlət Yol Polisi İdarəsinin 9-cu tağımının əməkdaşları gəlib, müvafiq tədbirlər həyata keçirib, faktla bağlı araşdırmalar davam etdirilir.