![Sergey Lavrov və Cavad Zərif arasında telefon danışığı olub](https://ens.az/images/news/30844a484ed3838c6c1cabdd0aa873b0.jpg)
Dərc edildi: Baxış sayı: 393
Sergey Lavrov və Cavad Zərif arasında telefon danışığı olub
Rusiya Xarici İşlər naziri Sergey Lavrov və İran Xarici İşlər naziri Cavad Zərif arasında telefon danışığı olub.
SİA xəbər verir ki, bu barədə Rusiya XİN-in mətbuat xidməti məlumat yayıb.
Koronavirus pandemiyası ilə mübarizə məsələlərini müzakirə edən XİN başçıları bu çərçivədə ikitərəfli əməkdaşlığı xüsusi qeyd ediblər.
Rusiya Xarici İşlər naziri ölkəsinin İranla ticari-iqtisadi əlaqələri, investisiya layihələrini inkişaf etdirməkdə maraqlı olduğunu vurğulayıb.
Sergey Lavrov qeyd edib ki, Rusiya Vaşinqtonu müvafiq ölkələrin COVID-19 pandemiyası ilə tam mübarizəsinə mane olan qeyri-insani sanksiyaları dərhal ləğv etməyə çağırır.
XİN başçıları Suriya və Əfqanıstandakı vəziyyət və digər beynəlxalq gündəmdə aktual olan mövzular ətrafında fikir mübadiləsi aparıblar.
Şərhlər
Şərhləri göstər Şərhləri gizlət