Bu ilin yanvar-aprel ayları ərzində Türkiyənin Əliağa yarımadasında SOCAR tərəfindən inşa edilən "Star Rafineri" neft emalı zavodu (NEZ) 680,77 min ton neft məhsulları ixrac edib ki, bu da 2019-cu ilin müvafiq dövrü ilə müqayisədə 9,5% azdır.
"APA-Economics"in Türkiyənin Enerji Bazarı Tənzimləmə İdarəsinə (EPDK) istinadən verdiyi məlumata görə, 2019-cu ilin yanvar-apreldə zavod 752,58 min tona yaxın məhsul ixrac edib.
Məlumata əsasən, cari ilin yanvarı-aprelində NEZ 3,4 mln. ton neft idxal edib ki, bu göstərici ötən ilin yanvar-aprel ayları ilə müqayisədə 2,5 dəfə artıb (2019-cu ilin yanvar-aprel aylarında bu göstərici 1,36 mln. ton təşkil edib).
Ötən il "Star Rafineri" 1,28 mln. tondan artıq neft məsulları ixrac edib. 2019-cu ildə zavodun ixrac üzrə ən yüksək göstəricisi mart ayında qeydə alınıb və 319,02 min ton təşkil edib.
Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.