Spikerdən xanımlara təbrik: “Zərifliyin, gözəlliyin nişanəsisiniz”

Milli Məclis sədri Sahibə Qafarova 8 Mart Beynəlxalq Qadınlar Günü münasibəti ilə Azərbaycan xanımlarını təbrik edib.

Ens.az Oxu.az-a istinadən xəbər verir ki,Spiker  özünün “Facebook” hesabında yazıb:

“Siz xanımlar zərifliyin, gözəlliyin, xeyirxahlığın və səmimiyyətin nişanəsisiniz.

Bu gözəl gündə xüsusi təbriklərimi Vətənimizə ləyaqətli və qeyrətli oğullar bəxş etmiş analara çatdırmaq istəyirəm.

Sizin yetişdirdiyiniz övladlar vətənimiz Azərbaycanın ərazi bütövlüyü uğrunda canlarını və sağlamlıqlarını qurban veriblər.

Buna görə Sizlərin qarşınızda baş əyir, bayramınızı təbrik edirəm!”