Taysona qalib gələn Ceyk Pol Makqreqora döyüşməyi təklif edib

Taysona qalib gələn Ceyk Pol Makqreqora döyüşməyi təklif edib

Mayk Taysonu məğlub edən bloqer Ceyk Pol irlandiyalı qarışıq döyüş ustası Konor Makqreqora döyüş təklif edib.

Ens.az Oxu.az-a istinadən xəbər verir ki, bu barədə o, "X" sosial şəbəkəsindəki hesabında yazıb.

"Hörmətli Konor, bilirəm ki, komandama mənimlə orta çəkidə döyüşəcəyini söyləmisən. Bu heç vaxt baş verməyəcək. Ancaq gəl MMA döyüşü keçirək. Çəki kateqoriyası olmadan - əvvəllər olduğu kimi. Amma sən istəmirsən," - Pol yazıb.

Ötən gün 27 yaşlı Pol boks döyüşündə 58 yaşlı Mayk Taysonu məğlub etmişdi. Hər biri iki dəqiqədən ibarət səkkiz raund davam edən döyüş hakimlərin yekdil qərarı ilə bloqerin xeyrinə yekunlaşıb. Bildirilir ki, Pol döyüş üçün 40 milyon dollar, Tayson isə 20 milyon dollar qazanıb.