TƏBİB-də dəyişiklik: Rəvanə Əliyevaya yeni vəzifə verildi

Tibbi Ərazi Bölmələrini İdarəetmə Birliyində (TƏBİB) struktur dəyişiklikləri edilib.

Dəyişikliyə əsasən, TƏBİB-də mətbuat xidməti vəzifəsi ləğv olunub. 

Mətbuat xidmətinin rəhbəri Rəvanə Əliyeva qurumun Vətəndaş müraciətləri ilə iş şöbəsinə müdir təyin edilib. 

Ens.az xəbər verir ki, O, məlumatı Oxu.Az-a təsdiqləyib.

Bildirib ki, mətbuatdan gələn sorğular İctimaiyyətlə əlaqələr şöbəsinin daxilində cavablandırılacaq. 

Həmçinin, Aygün Əliyeva isə TƏBİB-in Sənədlər və vətəndaş müraciətləri ilə iş departamentinin müdiri təyin olunub. 

O, Binəqədi Rayon İcra Hakimiyyəti başçısının sabiq müavini vəzifəsində çalışıb.