Təhsil Nazirliyi: "Sarı zona olan ərazilərdə dərsləri ənənəvi qaydada təşkil etsək..."

Təhsil Nazirliyi: "Sarı zona olan ərazilərdə dərsləri ənənəvi qaydada təşkil etsək..."

"Pandemiya dövründə orta məktəblərdə dərslərin açılması ilə bağlı qərar ölkə ərazisində fəaliyyət göstərən bütün məktəblərə şamil olunur"

Ens.az xəbər verir ki,bu fikri Musavat.com-a açıqlamasında Təhsil Nazirliyinin Ümumi və məktəbəqədər təhsil şöbəsinin müdiri Vəfa Yaqublu bildirib.

V. Yaqublu söyləyib ki, təhsil sistemi bütün kütləvi yerlərin üçdə birini təşkil edir:

"Sarı zona o deməkdir ki, orada da yoluxma var. Cənab nazirin də qeyd etdiyi kimi, bu qərar təhsil sahəsində cəmləşən 2 milyon insanın bir araya gəlməsi deməkdir. Ona görə də bütün baş verənlər virusun daha çox əraziyə yayılmasına səbəb ola bilər. Sarı zona adlanan ərazilərdə dərsləri ənənəvi qaydada təşkil etməklə həmin ərazilərdə təhlükəli vəziyyət yarada bilərik. Ona görə də yuxarıda qeyd etdiyim kimi addımları atırıq".