Təyyarənin hidravlik sistemləri kənar səslər eşidildikdən sonra sıradan çıxıb

Dekabrın 25-də Aktauda qəzaya uğrayan AZAL təyyarəsi hava şəraitinin əlverişli olmaması səbəbindən Qroznıya ikinci enişi yerinə yetirə bilməyib.

Ens.az Teleqraf.com-a istinadən xəbər verir ki,araşdırma komissiyasının ilkin hesabatında belə deyilir.

Sənəddə bildirilir ki, hava gəmisinin kapitanı Bakıya qayıtmaq barəsində qərar verib. Bundan sonra Qroznı üzərində CVR-da 24 saniyə aralıqla iki dəfə kənar səsin gəlmə faktı qeydiyyata alınıb.

CVR və FDR məlumatlarının tutuşdurulması nəticəsində müəyyən edilib ki, birinci kənar səsdən 4 saniyə sonra 3-cü hidravlik sistem, 6 saniyə sonra 1-ci hidravlik sistem, 21 saniyə sonra 2-ci hidravlik sistem itirməklə sıradan çıxıb.