"The Times": ABŞ və İsrail İranın yeni Ali liderinin yerini müəyyənləşdirməyə çalışır

ABŞ və İsrailin kəşfiyyat xidmətləri İranın yeni Ali lideri Müctəba Xameneinin yerini müəyyənləşdirmək məqsədilə məxfi əməliyyat həyata keçirir.

Ens.az Apa.az-a istinadən xəbər verir ki,bu barədə Britaniyanın "The Times" qəzeti məlumat yayıb.

Nəşrin yazdığına görə, əməliyyat artıq bir müddətdir davam edir. Bildirilir ki, məqsəd Müctəba Xameneini zərərsizləşdirmək deyil, onun sağ olub-olmadığını, harada və hansı vəziyyətdə olduğunu müəyyən etməkdir.

"The Times" qeyd edir ki, bu məlumat kəşfiyyat mənbələrinə istinadən verilib.

ABŞ, İsrail və İran rəsmiləri isə bununla bağlı hələlik rəsmi açıqlama verməyiblər.