Tramp ABŞ-də doğum hüququ ilə vətəndaşlığa son qoymaq niyyətindədir

ABŞ Prezidenti Donald Tramp Birləşmiş Ştatların doğum hüququ ilə vətəndaşlıq vermək təcrübəsinə son qoymaq niyyətində olduğunu açıqlayıb.

"Ens.az" “Report”a istinadla  xəbər verir ki,Amerika lideri bu açıqlamanı Ağ Evin Oval kabinetində verib.

"Düşünürəm ki, dünyada doğum hüququ ilə vətəndaşlığın olduğu yeganə ölkə bizik. Biz buna son qoyuruq", - Tramp deyib.

Daha əvvəl Tramp doğum hüququ prinsipini məhdudlaşdırmağa yönəlmiş icra sərəncamları imzalayıb. Prezident administrasiyasının sözçüsü Stiven Miller bildirib ki, sərəncamlardan biri sözdə "doğum turizmi"nin qadağan edilməsi ilə bağlıdır.