ABŞ Prezidenti Donald Tramp "Nvidia" şirkətinin rəhbəri Censen Huanqı vəzifədən getməzdən bir qədər əvvəl öz postunu qorumaq üçün mübarizə aparmağa səsləyib.
Oxu.Az xəbər verir ki, bu barədə özəl mənbələrinə istinadən "The New York Times" nəşri məlumat yayıb.
Nəşrin bildirdiyinə görə, Trampa Huanqın Çin kəşfiyyatı ilə əməkdaşlıqda şübhəli bilinən çinli Elis Huanqla əlaqələri barədə ən azı iki dəfə xəbərdarlıq edilib. Buna baxmayaraq, prezident heç bir tədbir görməyib və hətta may ayında Çinə etdiyi səfər zamanı "Nvidia" rəhbərini də özü ilə aparıb.
Tramp iş adamını ABŞ-nin süni intellekt sənayesinin inkişafında əsas fiqur kimi dəyərləndirərək, onu ictimaiyyət önündə dəstəkləməyə davam edirdi.
Mənbələrin bildirdiyinə görə, prezident həmçinin Huanqın gedişinin ABŞ iqtisadiyyatına və fond bazarına mənfi təsir göstərə biləcəyindən ehtiyat edirdi.
Çərşənbə axşamı Tramp şəxsən Huanqa zəng edərək onu vəzifəsi uğrunda mübarizə aparmağa çağırıb. Lakin artıq cümə axşamı o, 30 ildən çox əvvəl qurduğu şirkətin prezidenti və baş icraçı direktoru postlarından getdiyini elan edib.
İstefa onun şəxsi münasibətlərinin, o cümlədən Pekinlə əlaqələrdə şübhəli bilinən qadınla bağlı halların araşdırılması fonunda baş tutub. Bundan əlavə, onun "Nvidia" əməkdaşı ilə münasibətləri haqqında da məlumatlar ortaya çıxıb.
Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.