Tramp mümkün varislərini açıqladı

ABŞ Prezidenti Donald Tramp vitse-prezident Ceyms Devid Vens və dövlət katibi Marko Rubionu özünün mümkün varisləri adlandırıb.

Ens.az Oxu.az-a istinadən xəbər verir ki, dövlət başçısı bu barədə "NBC News"a müsahibəsində deyib.

"Bunu demək hələ tezdir, amma mənim vitse-prezidentim var. O, fantastik iş görür. Marko da əladır", - deyə Tramp sualı cavablandırıb.

Eyni zamanda, Tramp əlavə edib ki, Respublikaçılar Partiyası ölkə lideri ola biləcək və ən yüksək dövlət vəzifəsinə can atan "yaxşı insanlarla doludur".