Tramp Si Cinpinlə iki gün davam edən görüşün yekunlarını dəyərləndirdi

ABŞ Prezidenti Donald Tramp Çin lideri Si Cinpinin ölkəsinə səfərinin yekunları üzrə rəsmi Vaşinqtonun böyük tərəqqiyə nail olduğunu bəyan edib.

Oxu.Az TASS-a istinadən xəbər verir ki, Ağ Ev rəhbəri Çikaqodan (İllinoys ştatı) geri döndükdən sonra Vaşinqton yaxınlığında yerləşən Endryus hərbi bazasında mətbuat nümayəndələrinə müsahibəsində deyib:

"Si Cinpinlə bizim inanılmaz görüşümüz baş tutdu. Təsəvvür edin ki, o, uzunmüddətli, faktiki olaraq iki gün davam etdi. Biz çox böyük irəliləyiş əldə etdik".

Prezidentin sözlərinə görə, bu danışıqların nəticəsində bir çox müsbət proseslər baş verir və bu, eyni zamanda ABŞ-li fermerlər üçün də faydalıdır.