Tramp: "Sülhdən sonra Ukrayna bir az fərqli formada olacaq"

ABŞ Prezidenti Donald Tramp Moskva və Kiyevin sülh sazişini imzalamağa yaxın olduqlarını bildirib.

Oxu.Az-ın xəbərinə görə, D.Tramp bu barədə "CBS News" telekanalına müsahibəsində danışıb.

O əlavə edib ki, münaqişə bitdikdən sonra Ukrayna bir az fərqli formada olacaq.

"Mən inanıram ki, bu müharibə tezliklə bitəcək və onun yekunlaşmasının yeganə səbəbi mənəm. Düşünürəm ki, biz bunu sona çatdıracağıq və hər şey alınacaq", - deyə Tramp qeyd edib.

O vurğulayıb ki, ölkələr arasında sülhün bağlanmasına əsas maneə Zelenski və Putin arasındakı nifrətdir.