Tramp Ukraynanı sanksiyalarla hədələdi

"ABŞ təkcə Rusiyaya qarşı deyil, həm də Ukraynaya qarşı sanksiyalar və gömrük rüsumları tətbiq edə bilər".

Oxu.Az-ın RBK-ya istinadla verdiyi xəbərə görə, bunu Ağ Ev rəhbəri Donald Tramp deyib.

Onun sözlərinə görə, sülhə doğru aşkar irəliləyiş olmadığı vəziyyətdə Ukrayna lideri Volodimir Zelenski də günahsız deyil.

Bununla belə, Tramp vurğulayıb ki, mümkün sanksiya tətbiqinə tələsmir, çünki sülh sazişini görmək istəyir:

"Münaqişəni dayandırmaq istəyirəm, əks halda dünya iqtisadi müharibəsi olacaq. Bu, Rusiya üçün pis olacaq və bunu istəmirəm. Onlar görüşməlidirlər".