Trampın Ankaradakı sərt açıqlamaları NATO tərəfdaşlarını narahat edib

Amerika Birləşmiş Ştatlarının Şimali Atlantika Alyansındakı (NATO) tərəfdaşlarının Ankarada baş tutan zirvə toplantısından gözləntiləri özünü doğrultmayıb.

Ens.az Oxu.az-a istinadən xəbər verir ki,bu barədə "Politico" nəşri yazıb:

"Trampın həmkarları onun Türkiyədəki sammitə işgüzar əhval-ruhiyyədə gələcəyinə ümid edirdilər. Bunun əvəzinə o, dərhal sərt mövqe nümayiş etdirərək, tərəfdaşlarını onların təhlükəsizliyini təmin etmək öhdəliyinə nə dərəcədə sadiq qaldığını bir daha sorğulamağa vadar etdi".

Nəşr qeyd edir ki, çərşənbə axşamı Ankaraya səfər edən Tramp Ukraynada baş verən proseslərin rəsmi Vaşinqtona aidiyyəti olmadığını bildirib, eləcə də ABŞ-nin Qrenlandiya ilə bağlı iddialarını yenidən təkrarlayıb. NATO təmsilçilərindən biri adının açıqlanmaması şərtilə qəzetə bildirib ki, alyans üzvləri təhlükəsizlik sahəsində ABŞ-nin istədiyi bütün tələbləri yerinə yetirirlər. "Politico"ya danışan mənbə əlavə edib ki, buna baxmayaraq, hazırda - mühüm müdafiə müqavilələrinin imzalandığı gün Qrenlandiya barədə narazılıqların fonunda diqqətdən kənarda qalıb.

Öz növbəsində NATO-nun adı gizli saxlanılan keçmiş əməkdaşı qeyd edib ki, Trampın sözləri sammitə kölgə salsa da, gözlənilməz olmayıb:

"Bütün bu risklər nəzərə alınıb. Hamı bunu gözləyirdi".