Trampla bağlı qətnamə yayıldı

ABŞ Prezidenti Donald Trampın impiçmenti məqsədi ilə təhqiqatın davam etdirilməsinə səlahiyyət verən qətnamənin mətni yayılıb.

Axar.az xəbər verir ki, bu barədə ABŞ Konqresinin Nümayəndələr Palatasının demokrat üzvləri məlumat yayıb.

Qətnamə Nümayəndələr Palatasının bir sıra komitələrinə öz araşdırmalarını davam etdirmək göstərişini verir. Hədəf Nümayəndələr Palatasının Konstitusiya səlahiyyətlərindən istifadə edərək ABŞ Prezidenti Donald Trampın impiçmentinə kifayət qədər əsasların mövcud olub-olmadığını aydınlaşdırmaqdır.