Tunisin Baş Naziri yeni hökuməti prezidentə təqdim edib

Tunisin Baş Naziri Əl-Həbib əl-Camali gələcək nazirlər kabinetini ölkə prezidenti Kais Səidə təqdim edib.

APA xəbər verir ki, bu barədə yerli xəbər portalı “Ən-Nəşra” məlumat yayıb.

Bildirilir ki, prosedura əsasən, Tunis rəhbəri, Əl-Həbib əl-Camalinin hökumətinə dəstək məqsədilə iclas keçirilməsi üçün parlamentə müraciət edəcək.

Qeyd edək ki, Tunisin Baş Nazirinin kabinetinin tərkibini çərşənbə günü açıqlayacağı gözlənilir.