Türkiyənin xüsusi təyinatlıları “Fərat Qalxanı” və “Sülh baharı” əməliyyatları zonasına nüfuz etməyə çalışan PKK / YPG-nın 11 üzvünü zərərsizləşdirib.
Ens.az KONKRET.az-a istinadən xəbər verir ki, bu haqda məlumatı Türkiyə Müdafiə Nazirliyi yayıb.
2016-cı ilin avqust ayında Türk ordusu Suriya müxalifətinin iştirakı ilə İŞİD terror qruplaşmasının silahlılarına qarşı “Fərat Qalxanı” əməliyyatına başlayıb və ölkənin şimalında, sərhəddə yerləşən Jarablusu, eləcə də Azaz və Əl-Bab şəhərlərini alıb.
17 oktyabr 2019-cu il tarixində ABŞ və Türkiyə razılığa gəlib ki, rəsmi Ankara Suriyanın şimal-şərqində “Sülh mənbəyi” hərbi əməliyyatına başlaya və müstəqil şəkildə 30 kilometrlik bufer zonasına nəzarət edə bilər. Məqsəd isə kürd birləşmələrinin o bölgədən geri çəkilməsinə nail olmaqdır.
Daha sonra Türkiyə Prezidenti Tayyib Ərdoğan ABŞ-ın Suriya ilə bağlı razılaşmalar çərçivəsində Türkiyə qarşısında öhdəliklərini tam yerinə yetirmədiyini və Ankaranın bu mövzuda güzəştə getməyəcəyini söyləyib.
Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.