Türkiyə səfiri Bakıda ağac əkdi
Ağacəkmə ətraf mühitin mühafizəsi baxımından çox əhəmiyyətlidir. Buna görə də belə aksiyaların təşkili olduqca vacibdir. Azərbaycan Respublikasının Birinci vitse-prezidenti Mehriban Əliyevanın təşəbbüsü ilə dahi şair İmadəddin Nəsiminin yubileyi ilə əlaqədar bir gündə 650 min ağac əkilməsi təşəbbüsü alqışa layiqdir. Bu, çox gözəl təşəbbüsdür. Ümumiyyətlə, hər kəsin bir ağac əkməsi çox vacibdir. Biz ağac əkirik ki, gələcək nəsillərə qalsın.
Bu sözləri AZƏRTAC-a müsahibəsində oktyabrın 19-da Xarici İşlər Nazirliyinin təşkilatçılığı ilə keçirilən ağacəkmə aksiyasında iştirak edən Türkiyənin Azərbaycandakı səfiri Erkan Özoral söyləyib.
Səfir bildirib ki, Nəsimi təkcə Azərbaycanın deyil, bütövlükdə türk dünyasının dahi şairi, mütəfəkkiri, filosofudur. O, Türkiyədə də çox sevilir. Onun parlaq ideyaları bu gün də bizə yol göstərir. Nəsiminin xatirəsini daim yaşatmaq çox önəmlidir.
Şərhlər
Şərhləri göstər Şərhləri gizlət