Türkiyə və Suriya ordusu arasında qarşıdurma

Suriyada Türkiyə və Suriya ordusu arasında şiddətli qarşıdurma baş verib.

Axar.az xəbər verir ki, hadisə ölkənin şimalındakı Ras əl-Eyn şəhərində yaşanıb.

Qarşıdurmanı hansı tərəfin başlatdığı hələlik məlum deyil.

Qeyd edək ki, Türkiyə ötən ay Suriyanın şimalında “Sülh çeşməsi” antiterror əməliyyatı keçirib. Daha sonra Türkiyənin ABŞ və Rusiya tərəfləri ilə görüşlərdən sonra müvəqqəti atəşkəs elan edilib və PKK/YPG/PYD terrorçuları sərhəd bölgəsindən uzaqlaşmağa razılıq verib.