![Türkiyədə zəlzələ nəticəsində ölənlərin sayı 50 mini ötüb](https://ens.az/images/news/turkiyede-zelzele-neticesinde-olenlerin-sayi-50-mini-otub.jpg)
Türkiyədə zəlzələ nəticəsində ölənlərin sayı 50 mini ötüb
Türkiyədə zəlzələ nəticəsində ölənlərin sayı 50 096 nəfərə çatıb.
"Ens.az" “Report”a istinadla xəbər verir ki, bu barədə Türkiyənin Təbii Fəlakət və Fövqəladə Hallar Agentliyinin (AFAD) sədri Yunus Sezer bildirib.
O qeyd edib ki, yaralıların sayı isə 107 204 nəfərdir.
Xatırladaq ki, fevralın 6-da ocağı Türkiyənin Kahramanmaraş şəhərinin Pazarcık rayonunda olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub.
Güclü yeraltı təkanlardan sonra bölgədə 6,6 maqnitudayadək 13 000-dən çox afterşok qeydə alınıb. İki zəlzələ həmçinin Livan, Kipr, İraq, İsrail, İordaniya, İran və Misirdə hiss edilib.
Təbii fəlakət Türkiyə və Suriyada böyük dağıntı və onminlərlə itkiyə səbəb olub. Türkiyənin zəlzələ baş verən 10 şəhərində 3 aylıq fövqəladə vəziyyət elan olunub.
Bu hadisə Türkiyədə 1939-cu ildən bəri qeydə alınan ən güclü zəlzələ kimi tarixə düşüb.
Şərhlər
Şərhləri göstər Şərhləri gizlət