![Türkiyədən Azərbaycana gələn dörd həkim briqadası bölgələrə yola düşdü](https://ens.az/images/news/a220fd2c273e3440656a5322b88e7fcf.jpg)
Türkiyədən Azərbaycana gələn dörd həkim briqadası bölgələrə yola düşdü
Ümumdünya Səhiyyə Təşkilatının (ÜST) təşəbbüsü, Heydər Əliyev Fondu, İcbari Tibbi Sığorta üzrə Dövlət Agentliyi, TƏBİB və Səhiyyə Nazirliyinin dəstəyi ilə reallaşan REACT-C19 layihəsi çərçivəsində Türkiyədən Azərbaycana gələn 4 həkim briqadası Bakıda işlərini tamamlayaraq bölgələrə yola düşüb.
ÜST-nin Azərbaycandakı nümayəndəliyindən verilən məlumata görə, onlar 4 may tarixindən etibarən Gəncə, Goranboy, Ağdaş və Şəmkir olmaqla Azərbaycanın qərb bölgəsindəki 4 xəstəxanada işə başlayıblar.
Həkimlər Ümumdünya Səhiyyə Təşkilatının Xəstəxana Hazırlıq Təlimatından istifadə edərək xəstəxanalarda mövcud vəziyyəti dəyərləndiməyə və aşkar olunan problemlərin aradan qaldırılmasına dəstək olmağa, xəstəxanaların hazırlıq səviyyəsini artırmaq üçün orada çalışan həkimlərlə birgə fəaliyyət planı üzərində işləməyə başlayıblar.
Bununla yanaşı, həkimlər və orta tibb işçiləri üçün müxtəlif mövzularda təlimlərə start veriblər. Onlar bu 4 rayonda 2 həftə müddətində fəaliyyət göstərəcəklər, daha sonra Bakıya qayıdaraq növbəti iki həftəlik tur üçün hazırlıqlara başlayacaqlar.
Mənbə: Oxu.az
Şərhlər
Şərhləri göstər Şərhləri gizlət