![UEFA-dan tarixi qərar: Kişilərin matçını qadın hakim idarə edəcək](https://ens.az/images/news/90bcfc29712f6699a6324f5d1e1fe0f9.jpg)
UEFA-dan tarixi qərar: Kişilərin matçını qadın hakim idarə edəcək
“Liverpul”la “Çelsi” arasında baş tutacaq UEFA Superkuboku matçında hakim təyinatları açıqlanıb.
Oxu.Az xəbər verir ki, qitənin ali futbol qurumu qarşılaşmanı qadın hakimə həvalə edib.
Belə ki, görüş fransalı referi Stefani Frapparta tapşırılıb. Beləliklə də tarixdə ilk dəfə UEFA səviyyəli turnirlərdə kişilərin matçını qadın hakim idarə edəcək. Baş hakimin köməkçiləri də qadınlar olacaq. İrlandiyalı Manuela Nikosi və Maykl Onil həlledici oyunda yan xətt hakimi kimi fəaliyyət göstərəcəklər. Yalnız dördüncü hakim funksiyasını kişi referi yerinə yetirəcək ki, bu vəzifə də türkiyəli Cüneyt Çakıra tapşırılıb.
Qeyd edək ki, UEFA Superkubokunun oyunu avqustun 14-də İstanbulun “Beşiktaş Park” stadionunda keçiriləcək.
Şərhlər
Şərhləri göstər Şərhləri gizlət