Ukrayna-ABŞ arasında təhlükəsizlik zəmanətləri ilə bağlı danışıqlar gələn həftə başlayacaq

Ukrayna ABŞ-la təhlükəsizlik zəmanətləri üzrə ikitərəfli sənəd üzrə danışıqların gələn həftə başlayacağını gözləyir.

"Ens.az" “Report”a istinadla  xəbər verir ki,bu barədə Ukrayna Prezidenti Ofisinin rəhbəri Andrey Yermak teleqramda bildirib.

“Ukrayna gələn həftədən etibarən ABŞ-la təhlükəsizlik zəmanətlərinə dair ikitərəfli saziş üzrə danışıqlara başlayacaq. Bu zəmanətlər Ukrayna NATO-ya daxil olana qədər qüvvədə olacaq”, - Yermak vurğulayıb.

Yermak həmçinin bildirib ki, Ukrayna üçün təhlükəsizlik təminatları konkret və uzunmüddətli olacaq: “Söhbət müdafiə və maliyyə dəstəyindən, eləcə də sanksiyalardan gedir”.