Ukrayna bu halda Aİ-yə üzv ola bilər - Müxalifət lideri açıqladı

"Ukraynanın Avropa Birliyinə daxil olmaq şansı var, lakin bunun baş verməsi üçün hərbi əməliyyatlar dayandırılmalıdır".

Ens.az Teleqraf.Az-a istinadən xəbər verir ki,bu sözləri Almaniyanın müxalifət blokunun lideri Fridrix Merz "ZDF" kanalında kansler Olaf Şoltsla teledebat zamanı deyib.

“Hazırda Ukraynanın NATO-ya üzvlüyü müharibə vəziyyətində olan ölkə statusuna görə mümkün deyil. Bununla belə, Aİ-yə namizəd statusu düzgün addımdır. Artıq bu istiqamətdə iş gedir”, - siyasətçi vurğulayıb.

Merz xatırladıb ki, Aİ sazişlərində NATO-nun oxşarı kimi qarşılıqlı müdafiə ilə bağlı müddəalar var.

"Bu, Ukraynanı əlavə təhlükəsizlik səviyyəsi ilə təmin edəcək", - Merz bildirib.

Onun sözlərinə görə, inteqrasiya prosesi vaxt aparacaq və əsas şərt münaqişənin mümkün qədər tez başa çatmasıdır.