Ukrayna ilə bu saziş mümkün olmayacaq - Uitaker

ABŞ və Ukrayna arasında “Patriot” hava hücumundan müdafiə sistemləri üçün raketlərin birgə istehsalına dair sazişin bu qışa qədər bağlanması, ehtimal ki, mümkün olmayacaq.

Ens.az Axar.az-a istinadən xəbər verir ki, bunu ABŞ-ın NATO yanında daimi nümayəndəsi Metyu Uitaker “Fox Business” telekanalına müsahibəsində bildirib.

Uitakerin sözlərinə görə, ABŞ-ın ixracına ciddi nəzarət edilən PAC-3 seriyalı raketlərin Ukraynada istehsalına icazə verməsi ehtimalı azdır. Bununla belə, ABŞ-ın Ukrayna ilə həyata keçirə biləcəyi birgə istehsal imkanları mövcuddur.

“Biz bu razılaşmaların bəziləri üzərində işləyirik. Hazırda elan ediləcək konkret bir şey yoxdur. İstehsalla bağlı uzunmüddətli müqavilələrin bu qışa qədər reallaşması mümkün olmayacaq. Buna görə də bu istiqamətdə işi davam etdirəcəyik”, – o vurğulayıb.