ABŞ Prezidenti Donald Trampın bəzi müşavirləri Ukrayna nizamlanması üzrə gələcək sazişə Volodimir Zelenskinin prezident postundan istefası ilə bağlı bəndin daxil olunmasını təklif edirlər.
Ens.az Oxu.az-a istinadən xəbər verir ki, bu barədə "Bloomberg" nəşri Avropa rəsmisinə istinadən məlumat verib.
Martın 2-də ABŞ Konqresinin Nümayəndələr Palatasının spikeri Mayk Conson bəyan edib ki, Zelenski "ağlını başına yığıb" sülh danışıqlarına başlamasa, Ukraynaya başqa siyasətçi rəhbərlik etməlidir.
Xatırladaq ki, fevralın 28-də Volodimir Zelenski Donald Trampla görüşmək üçün Ağ Evə gəlib. Söhbət zamanı onların arasında qalmaqallı mübahisə yaranıb və Tramp Zelenskinin ABŞ-yə qarşı hörmətsiz münasibət göstərdiyini deyib, vitse-prezident Cey Di Vens isə Kiyevə verilən dəstəyə görə onun Vaşinqtona təşəkkür etməyi unutduğunu qeyd edib.
Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.