Ukrayna bu qışa qədər Rusiya ilə neytral platformada danışıqlar aparmağa hazırdır.
Ens.az Redaktor.az-a istinadən xəbər verir ki, bu barədə Ukraynanın ATƏT yanında nümayəndəsinin müavini Rostislav Palaqusinets bildirib.
Onun sözlərinə görə, Kiyev Rusiya ilə neytral məkanda danışıqlar keçirməyə hazır olsa da, Donbas ərazisindən qoşunlarını çıxarmağı kompromis hesab etmir.
Diplomat qeyd edib ki, belə bir addım Rusiyanın gələcək hücumları üçün strateji dəhliz yarada bilər. O vurğulayıb ki, Ukrayna beynəlxalq hüquqa uyğun olaraq özünümüdafiə hüququndan istifadə etməyə davam edəcək.
