Ukrayna Rusiyanın dörd hərbi gəmisini vurub

Avqustun 12-nə keçən gecə Novorossiyskdəki hərbi dəniz bazasına endirilən zərbə zamanı Ukrayna ordusu Rusiyanın dörd hərbi gəmisini vurub.

Ens.az Oxu.az-a istinadən xəbər verir ki,bu barədə Ukrayna Silahlı Qüvvələrinin Baş Qərargahı "Telegram"da məlumat verib.

Qeyd edilir ki, iki "Kalibr" daşıyıcısı - "Admiral Makarov" və "Admiral Essen", kiçik raket gəmisi "Buyan-M", patrul gəmisi "Vasili Bıkov" müxtəlif dərəcəli zədələr alıblar.

Ukrayna Təhlükəsizlik Xidmətinin məlumatına görə, həmçinin Rusiyanın "S-300" HHM sisteminin tərkib hissəsi olan 30N6E radarı, Novorossiysk limanının ikinci körpüsündə yerləşən mobil atəş qrupu, "Şesxaris" neft terminalının tərkibinə daxil olan "Qruşovaya" neft bazasının tuneli, 3, 6 və 7 saylı körpülərin avadanlığı və infrastrukturu vurulub.