ÜST: Koronavirus pandemiyası hələ pik nöqtəyə çatmayıb

Ümumdünya Səhiyyə Təşkilatı (ÜST) dünyada koronavirus infeksiyasının hələlik pik nöqtəyə çatmadığını açıqlayıb.

Bu barədə “Report” “RİA Novosti”yə istinadən xəbər verir.

Eyni zamanda ÜST Avropa ölkələrində yoluxmanın yavaşladığını vurğulayıb: “Avropanın bəzi ölkələrində yoluxma faktlarının günlük sayında yüngül azalma olsa da, Türkiyə və İngiltərədə bunun əksi müşahidə edilir”.

ÜST yoluxma hallarının 90%-nin Avropa və ABŞ-da qeydə alındığını da vurğulayıb: “12 aydan daha tez müddətdə vaksinin hazırlanacağını gözləməyin”.

Qeyd edək ki, koronavirus qurbanlarının sayı Böyük Britaniyada 11 329, Türkiyədə isə 1 296 nəfərdir.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 1 934 000-i ötüb. Bunların 456 737 nəfəri sağalıb, 120 438 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

Mənbə: