ÜST maskaların istifadəsi ilə bağlı təlimatını yenilədi

“Ümumdünya Səhiyyə Təşkilatı (ÜST) maska istifadəsi ilə bağlı yeni təlimatları açıqlayıb”.

Ens.az xəbər verir ki,bu barədə Tibbi Ərazi Bölmələrini İdarəetmə Birliyi (TƏBİB) məlumat yayıb.

Bildirilib ki, təlimatlara əsasən, infeksiyanın yoluxma təhlükəsi yüksək olan bütün ictimai yerlərdə maskaların istifadəsi zəruridir:

“ÜST-ün maska istifadəsinin əhəmiyyəti ilə bağlı yeni tövsiyələri akademik çalışmalarla sübut edilib.

Vətəndaşlarımızı bir daha Nazirlər Kabineti yanında Operativ Qərargahın təsdiq etdiyi qaydalara əməl etməyə çağırırıq”.