ÜST rəsmisi: “Yeni layihə çərçivəsində Azərbaycana fərdi qoruyucu vasitələr gətirilib”
“Avropada vəziyyət düzəlsə də, bütün dünyada virusun təhdidləri davam edir”.
Ens.az Oxu.az-a istinadən xəbər verir ki,bunu Nazirlər Kabineti yanında operativ qərargahın keçirdiyi mətbuat konfransında Ümumdünya Səhiyyə Təşkilatının (ÜST) Azərbaycan nümayəndəliyinin rəhbəri Hande Harmancı deyib.
O bildirib ki, Avropada yoluxanların 21 faizi tibb işçisi, ölənlərin 95 faizi digər xəstəliklərdən əziyyət çəkənlər, 94 faizi isə 65 yaşdan yuxarı olan insanlardır.
H.Harmancı əlavə edib ki, bu yaxınlarda Azərbaycana yeni fərdi qoruyucu vasitələr gətirilib:
“ÜST Avropa İttifaqı ilə əməkdaşlıq çərçivəsində “Sağlamlıq üçün həmrəylik təşəbbüsü” layihəsinə start verib. Bu layihə çərçivəsində iki gün əvvəl 168 min fərdi qoruyucu vasitə ölkəyə gətirilib. Bundan sonra daha iki reys fərdi qoruyucu vasitə Azərbaycana gətiriləcək və bu layihə iki il davam edəcək”.
Şərhlər
Şərhləri göstər Şərhləri gizlət