UTECA tələbəsi Aqroparkda seminar keçib

Azərbaycan Texnologiya Universitetinin (UTECA) Yüngül Sənaye mühəndisliyi və logistika fakultəsinin 4-cü kurs tələbəsi Səxavət Həsənlinin “Müasir logistika mərkəzlərinin inkişaf perspektivləri” mövzusunda  seminarı  Şəmkir Aqroparkın tərkibində  olan  Logistik Mərkəzdə keçirilib. Tədbirdə mərkəzinin  direktoru, mühəndisləri və aparıcı işçiləri, eləcə də UTECA-nın tələbə və müəllim heyəti iştirak ediblər.

Seminarda Logistik mərkəzlərin hədəf indiqatorları, strateji baxış və perspektivlər, strateji yol xəritəsinin tətbiqi və əhəmiyyəti açıqlanıb. Həmçinin Bakı-Tbilisi dəmir yol xətti, Avropaya açılacaq  dəhlizdən, Bakı limanının sonrakı dövr üçün fəaliyyətindən bəhs edilib. Bu mərkəzlərin  iqtisadi səmərəsi və faydası qeyd edilib. Məruzəçi seminar iştirakçıları tərəfindən verilən sualları ətraflı və aydın şəkildə cavablandırıb.

Seminar çərçivəsində UTECA-nın müəllim və tələbə heyəti Şəmkir Aqroparkını  soyuducu anbarlar bölümünə və qablaşdırma sexinə ekskursiya ediblər.