UTECA tələbəsi: “Prezidentimizlə görüş mənə stimul oldu”
UTECA tələbəsi prezidentlə görüşüb. Azərbaycan Texnologiya Universitetinin İqtisadiyyat və idarəetmə fakültəsinin menecment ixtisası üzrə təhsil alan 3-cü kurs tələbəsi İsmayıl Qaçaylı Prezident İlham Əliyev və birinci xanım Mehriban Əliyevayla Bakıda, Novruz bayramı münasibətilə təşkil edilən ümumxalq şənliyində görüşüb.
İsmayıl dövlət başçısına təhsil aldığı Azərbaycan Texnologiya Universiteti, burada tələbələr üçün yaradılan şərait haqda məlumat verib, ali təhsil ocağında dövlət gənclər siyasətinin uğurla davam etdirildiyini qeyd edib.
Prezidentin könüllülük fəaliyyəti ilə bağlı sualını cavablandıran gənc 16 yaşından qatıldığı könüllü fəaliyyətlərindən danışıb, ölkədə gənclərə yaradılan şərait ucun təşəkkürünü bildirib.
Ölkə rəhbəri UTECA tələbəsinə bundan sonrakı fəaliyyətlərində uğurlar arzu edib.
Qeyd edək ki, İsmayıl Qaçaylı dünən Təhsil Nazirliyinin “Bir” Tələbə-Könüllü proqramının 2018-ci il üzrə ən fəal tələbə-könüllüsü mükafatına layiq görülüb.
Şərhlər
Şərhləri göstər Şərhləri gizlət