Valyuta mübadiləsinə lisenziyanın verilməsi üçün proqram təminatı yaradılacaq
Valyuta mübadiləsi fəaliyyətinə lisenziyanın verilməsinə başlanılması üzrə daha bir iş görülür.
“Marja” xəbər verir ki, lisenziyaların verilməsi, valyuta mübadiləsi fəaliyyətinə verilmiş lisenziyaların reyestrinin və valyuta mübadilə əməliyyatları üzrə uçotun aparılması üçün proqram təminatının yaradılacaq. Palata bu bəqsədlə təxminən 605 min manat xərcləyir.
Belə ki, Maliyyə Bazarlarına Nəzarət Palatası tərəfindən 17.05.209-cu il tarixində keçirilmiş “Valyuta mübadiləsi fəaliyyətinə “Valyuta tənzimi haqqında” qanun ilə müəyyən edilmiş qaydada lisenziyaların verilməsi, valyuta mübadiləsi fəaliyyətinə verilmiş lisenziyaların reyestrinin və valyuta mübadilə əməliyyatları üzrə uçotun aparılması üçün proqram təminatının yaradılması məqsədilə mal və xidmətlərin” satın alınmasında açıq tender üsulu ilə satınalma müsabiqəsində “AtaTexnologiya” MMC ƏDV daxil olmaqla 604 min 958 manat məbləği ilə qalib elan edilmişdir. Qalib şirkətlə 03 İyun 2019-cu il tarixində müvafiq satınalma müqaviləsi imzalanmışdı.
Şərhlər
Şərhləri göstər Şərhləri gizlət