"Vaqif Əliyev və qohumları işi"ndə zərərçəkənlər PA-nın qarşısına toplaşdılar

SOCAR-ın Sərmayələr İdarəsinin rəisi Vaqif Əliyevin və oğlu Orxan Əliyevin adı hallanan dələduzluq əməli ilə bağlı zərərçəkənlər bu gün Prezident Administrasiyasının qarşısına toplaşıblar.

AFN xəbər verir ki, zərərçəkənlər Baş Prokuror Yanında Korrupsiyaya Qarşı Mübarizə İdarəsinin İstintaq İdarəsində açılan cinayət işi üzrə istintaqın gedişindən narazılıqlarını ifadə ediblər. Onlar bildiriblər ki, bütün proses bir nəfərin (V.Əliyevin baldızı oğlu Nicat Qarayevin-red.) üzərində qurulur və əsas cinayətkarlar işdən yayındırılır. Zərərçəkənlər işlə bağlı bütün məlumatları səsləndiriblər.