Vaşinqtonda nazirlərin görüşü bir neçə gün davam edəcək - XİN

Vaşinqtonda nazirlərin görüşü bir neçə gün davam edəcək - XİN

ABŞ-da Azərbaycan xarici işlər naziri Ceyhun Bayramov və Ermənistan xarici işlər naziri Arorat Mirzoyan arasında görüş sabah baş tutacaq.

Ens.az Teleqraf.com-a istinadən xəbər verir ki,  bunu Xarici İşlər Nazirliyinin Mətbuat Xidmətinin rəhbəri Ayxan Hacızadə bildirib.

XİN sözçüsü qeyd edib ki, görüşün bir neçə gün davam edəcəyi ehtimal edilir.Xatırladaq ki, 26 iyun 2023-cü il tarixində Azərbaycanın xarici işlər naziri Ceyhun Bayramov ABŞ dövlət katibi Antoni Blinkenin dəvəti əsasında Amerika Birləşmiş Ştatlarına işgüzar səfərə yola düşüb. Səfər çərçivəsində dövlət katibi A.Blinken ilə ikitərəfli görüşün, eləcə də Azərbaycan və Ermənistan xarici işlər nazirləri arasında “Sülh və Dövlətlərarası Münasibətlərin Qurulması haqqında ikitərəfli Saziş” layihəsi üzrə danışıqların növbəti raundunun keçirilməsi nəzərdə tutulub.